fbpx

Er húmor eina leiðin í boðmiðlun símafyrirtækja?

by | Jun 23, 2010 | Branding | 0 comments

Húmor, eða fyndni, í auglýsingum er algeng leið og hafa rannsóknir sýnt fram á að húmor sé notaður í um 30% alls auglýsingaefnis. ( Journal of Advertising, 26, no.3. fall 1997).

Hvort að slík auglýsing sé árangursrík byggir á þremur þáttum, húmor fær áhorfendur til að 1. – fylgjast með, 2.- hlæja að, og 3. og það mikilvægasta að muna. Þess vegna er húmor í auglýsingum fín leið til að byggja upp vitund fyrir vörumerki, og að viðhalda því í top-of-mind neytenda.

Íslensku vörumerkin á símamarkaði,Nova, Vodafone, Síminn, og Ring eru öll þessa dagana að keyra auglýsingar þar sem áherslan er fyrst og fremst á fyndni auglýsinganna. Í tilviki Ring er einn heitasti grínisti landsins fengin til að “ná til unga fólksins”, Vodafone er með sennilega einn fyndnasta mann landsins og sitt “andlit” Pétur Jóhann, Síminn er enn að keyra á sínum karakterum sem reyndar fer að vekja spurning um hversu margar útgáfur voru eiginlega framleiddar, og Nova er einnig að reyna að ná til markhópsins með fyndni, en umdeilt er reyndar hversu vel tekst til í nýjustu herferðinni.

Nýjasti aðilinn á markaðnum, Alterna keyrði reyndar af stað með látum og var þeirra leið öðruvísi, tíminn verður hinsvegar auðvitað að leiða í ljós hvort að þeir nái fótfestu með þeirri staðfærslu.
Hættan við að láta fyndni vera svo ráðandi í sínu markaðsefni er sú að oft er húmorinn svo ráðandi, að áhorfandinn gleymir í raun hvaða vörumerki er verið að auglýsa, eða nær einfaldlega ekki skilaboðunum. Sérstaklega er þetta hættan þar sem eitt af markaðslegu markmiðum fyrirtækjanna ætti jú að vera að aðgreina sig á markaðnum. Þeirri aðgreiningu er ekki náð með endalausri brandarakeppni. Þó hjálpar það auðvitað til ef að húmorinn í auglýsingunni beinist að notagildi vörunnar eða sérstöðu vörumerkisins. Kannski mun næsta auglýsing snúast um hversu fyndnir símareikningar eru eftir ferðalög erlendis?

Hér má svo sjá brot af þessum “fyndnu” auglýsingum.

Deildu gleðinni

Tengdar greinar

Handahófs markaðssetning er rugl

Handahófs markaðssetning er rugl

Markaðssetning af handahófi er hörmuleg hugmynd.   Hættu að gera bara eitthvað, svona þegar þú manst eftir því að þú þarft víst að gera eitthvað í marketing. Markaðsstarf gengur útá að auka virði fyrir viðskiptavini þína.  Markaðsstarf kostar peninga.  Það er því sóun...

Áhrif lita í viðskiptum.

Áhrif lita í viðskiptum.

Litur er tungumál, litur nær athygli þinni. Rétt eins og ilmurinn af uppáhaldsréttnum þínum getur breytt skapi þínu geta mismunandi litir einnig haft áhrif á skapsveiflur þínar. Litir eru óaðskiljanlegur hluti af lífi okkar, við dæmum ástand heilsu okkar, uppskeru...

Viltu heyra í VERT?

* Þarf að fylla út